HALMASHAURI YA MERU YASHIKA NAFASI 6 KITAIFA MATOKEO KIDATO CHA NNE 2018

25 January 2019

Halmashauri ya Wilaya ya Meru Mkoani Arusha imeshika  nafasi ya 6 kitaifa kati ya  Halmashauri na Manispaa 195 kwenye matokeo kidato cha nne kwa mwaka 2018.

Halmashauri hiyo imeendelea kuongoza kwenye Mkoa wa Arusha  kwa kushika nafasi ya kwanza matokeo ya  kidato cha nne 2018  huku ikifuatiwa na Halmashauri ya Wilaya ya Monduli.

Mkurugenzi wa Halmashauri hiyo Bwn.Emanuel Mkongo amewapongeza waalimu wakiongozwa na mkuu wa idara ya elimu Sekondari Mwl.Damari Mchome kwa ufundishaji na usimamizi mzuri wa maswala ya  Elimu .

Mkongo ameeleza kuwa Halmashauri hiyo imeweka mikakati ya kuboresha swala la Elimu ikiwa ni pamoja na  agenda ya mimba za utotoni kuwa ya kudumu kwenye mikutano ya vijiji na Kata.

Aidha Mkongo ametoa wito kwa jamii na wadau wa elimu Kushiriki kuboresha Sekta ya Elimu hususani katika ujenzi wa Miundombinu (Mabweni, Madarasa, Maabara, Vyoo, Nyumba za Walimu na Ofisi za Walimu)   kwenye Halmashauri hiyo.

Akipokea pongezi kwa niaba ya walimu, Afisa Elimu Sekondar Mwl.Damari Mchome amewapongeza wasichana kwa kuongoza katika matokeo hayo.

Kuona matokeo ya kidato cha Nne 2018 http://www.tamisemi.go.tz/app/form_4_results_2018/results/p0418.htm

Kuona Mpangilio wa Halmashauri/Manispaa kwa ubora wa ufaulu CSEE2018 bofya hapa https://cdn.necta.go.tz/files/Mpangilio_wa_HalmashauriCSEE2018.pdf

Matokeo hayo ya Upimaji wa Kitaifa wa Kidato cha nne uliofanyika mwaka 2018 yametangazwa rasmi mjini Dodoma na  Katibu Mtendaji wa Baraza la Mitihani la Tanzania Dkt Charles Msonde.