Kitengo cha Ukaguzi wa Ndani Katika Halmashauri ya Wilaya ya Meru kipo kwa mujibu wa Sheria ya Fedha ya Mamlaka ya Serikali za Mitaa Na. 9 ya mwaka 1982 Kifungu Na. 45 (1) (iliyorekebishwa mwaka 2000); Vile vile kazi na wajibu wa Mkaguzi wa Ndani wa Halmashauri zimeainishwa katika Memorandam ya fedha za Serikali za Mitaa ya mwaka 2009(agizo No. 13 na 14).
Nia ya Ukaguzi ni kufuatilia rasilimali za serikali zinatumika ipasavyo ili kuleta matokeo yaliyotarajiwa kwa kuzingatia tija na ufanisi.
Malengo ya kufanya Ukaguzi wa Ndani ni kuwezesha kutoa uhakika(assurance) wa hali ya uendeshaji wa Halmashauri hasa kwa kuangalia vihatarishi ambavyo madhara yake ni makubwa katika mazingira ya Halmashauri; namna ya udhibiti wa vihatarishi vinavyohusiana na hatari ambazo zinaweza kuwa na athari katika kufikia malengo ya Halmashauri kuhudumia na kuleta maendeleo kwa Wananchi. Ukaguzi unatoa ushauri kwa Menejimenti juu ya mambo mbalimbali yanayohusu uendeshaji wa shughuli za Halmashauri ili kuleta ufanisi.
Malengo ya jumla ya kitengo cha Ukaguzi wa ndani ni pamoja na:-
Kubainisha iwapo Miamala imefanyika kwa mujibu wa Kanuni za Fedha na kurekodiwa vizuri katika vitabu vya hesabu kwa ajili ya kutayarisha Taarifa za Fedha.
Kuhakikisha kama nyaraka za uthibitisho na kumbukumbu za fedha zinatunzwa na kuhifadhiwa vizuri.
Kuthibitisha kama Vifaa na Huduma zilizonunuliwa zilipatikana kwa kufuata sheria ya manunuzi ya Umma , Kanuni na Miongozo yake.
Shughuli za Miradi ya Maendeleo zinatekelezwa ipasavyo na kukamilika kwa wakati na kwa ubora unaostahili
Kubainisha iwapo Mali za Halmashauri zinalindwa vizuri dhidi ya upotevu kutokana na matumizi yasiyoridhisha au kutokutumika ipasavyo.
Kubainisha kama Halmashauri ina mikakati mathubuti ya usimamizi na utunzaji wa mali zake.
Kufuatilia na kuona kama mifumo mbalimbali iliyowekwa inafanya kazi na kufuatwa kwa mujibu wa sheria na miongozo iliyopo.
