Idara ya Afya ya Halmashauri ya Wilaya ya Meru in jumla ya vituo vya huduma 62 inajumuisha Hospitali 2 (1 ya serikali, 1 ya FBO) vituo vya Afya 9 (serikali 7 FBO 2) na zahanati 51( Serikali 27,FBO 13,Binafsi 9 na Taasisi 2)
GOVERNMENT
FBOs
PRIVATE
PARASTATAL
TOTAL
HOSPITAL
1
1
0
0
2
HEALTH CENTRE
7
2
0
0
9
DISPENSARIES
27
13
9
2
51
TOTAL
35
16
9
2
62
HUDUMA ZINAZOTOLEWA
Wagonjwa wan je (OPD)
Wagonjwa wanaolazwa (IPD)
Macho
Afya za Kinywa na Meno
Huduma za mazoezi ya Viungo
Huduma za Ustawi wa jamii
Huduma za Upasuaji mdogo na Mkubwa
Huduma za Unasihi
Huduma za Maabara
Huduma za kansa
Huduma za Afya ya Mama na Mtoto
Huduma za mionzi
Duka la Dawa
MIFUMO YA MALIPO YA HUDUMA
Mifumo ya Kielektroni (E-Pay)
Bima Msamaha kulingana na Miongozo
UJENZI WA MAJENGO YA UTOAJI HUDUMA ZA AFYA
Idara Afya ya wilaya ya Meru ina miradi 4 ya ujenzi wa majengo ambayo yametokana na uhaba wa majengo ya kutolea huduma, majengo hayo ni kama ifuatavyo:-
Jengo la huduma ya kinywa na meno
Jengo la wodi ya mama wajawazito
Jengo la huduma ya wajawazito Zahanati ya Kwaugoro
Jengo la Zahanati ya Ambureni.
JENGO LA HUDUMA YA KINYWA NA MENO
Ujenzi wa jengo hili ulianza tarehe 10/03/2017 baada ya makandarasi M/S BIGAN INVESTMENT SONS CO. LTD kushinda zabuni ambayo inajengwa kwa gharama ya Tsh73,594,900 pamoja na kodi hadi kukamilika. Jengo hili lina vyumba viwili vya kutolea huduma ya kung’oa meno na kurekebisha meno, na cha tatu kwa ajili ya upasuaji wa meno na mionzi. Mpaka sasa kiasi cha Tsh. 28,608,864.90 zimelipwa kwa awamu ya kwanza ambapo jengo hili lipo katika hatua ya kupauliwa. Fedha za ujenzi huu zinatokana na mapato ya duka la dawa la nje na mapato ya huduma za Hospitali. Jengo hili likikamilika linaweza kuwa na uwezo wa kuhudumia wagonjwa mpaka 30 kwa siku.
Ambapo litanufaisha wakazi wa Meru wapatao 310,480 mara tu jengo litakapokamilika litaanza kazi kwak uwa vifaa vyote muhimu vipo.
JENGO JIPYA LINALOENDELEA KUJENGWA KWA AJILI YA AFYA YA KINYWA NA MENO
JENGO LA MAMA WAJAWAZITO.
Ujenzi huu ulianza tarehe 02/04/2017 Kwa unafadhiliwa na shirika la “World View International “ baada ya andiko (proposal) ilioandikwa na ofisi ya Mganga Mkuu, jengo hili litakuwa na uwezo wa vitanda 30 na chumba cha upasuaji,pamoja na chumba cha watoto njiti. Mkandarasi aliyeshinda zabuni ya ujenzi huu ni M/S BIGAN INVESTMENT SONS CO. LTD ambaye atajenga kwa Tsh127,947,500 pamoja na kodi kwa awamu ya kwanza . Hadi sasa ameshalipwa Tsh45,687,950 ambazo zitafikisha ujenzi katika hatua ya lenta pia litakapokamilika litaweza kupokea wajawazito 15 na waliojifungua 15 watoto njiti 10 na kufanya upasuaji kwa wajawazito.
ujenzi huu ni kwa awamu mbili ambapo hatua ya kwanza ipo katika hatua ya kupaua hata hivyo ujenzi huu utakamilika kwa fedha 127,947,500/= kwa awamu ya kwanza na awamu ya pili itategemea nguvu ya mfadhili ili aweze kuendelea nayo. Jengo hili litasaidia wakazi wa Meru wapatao 310,480/=
JENGO LA MAMA WAJAWAWAZITO LINAENDELEA KUKAMILIKA ILI KUPUNGUZA MSONGAMANO WA MAMA WAJAWAZITO
MIPANGO YA BAADAYE
Kuendelea kufanya mawasiliano na mfadhili ili aweze kuruhusu fedha za awamu ya pili ya kuongezea jengo hilo
JENGO LA HUDUMA YA WAJAWAZITO ZAHANATI YA KWAUGORO
Jengo hili lilianza kujengwa tarehe 10/04/2016 kwa ufadhili wa “Lions club Tilburg na Wilde Genzen” ulisimamiwa na Adra Tanzania ambapo limegharimu Tsh. 93,00.,000/=likiwa na vyumba 3, chumba cha kusubiria, kujifungulia, pia kina ofisi 2, vyoo 2 vya ndani na bafu 2, jengo hili litaweza kuwekwa vitanda 12 na vya kujifungulia 3 katika jengo hili kunahitajika vitanda 12, kujifungulia 3 na samani kwa ajili ya kutolea huduma.
Jengo kamilika
Mradi huu utasaidia wakazi wapato 2,590 wa kijiji cha kwa Ugoro chenye kaya 558.
Changamoto
Kuna uhitaji wa vitanda vya kusubiria kujifungulia vipatavyo 12
Vitanda vya kujifungulia 3
Na kuna uhaba wa samani katika jengo hilo
Wanufaika
Wakazi 2,590 wa kijiji cha kwa Ugoro ndiyo watakaofaidika na mradi huo, kwani utapunguza safari ndefu kwenda katika huduma ya kujifungua
Mpango wa baadaye
Tunaendelea kuwasiliana na mfadhili ili waweze kutununulia samani na vitanda hivyo
JENGO LA ZAHANATI YA AMBURENI
Kata ya Ambureni ina wakazi 8,799 ambao walikuwa wanatembea umbali mrefu kufuata huduma ya afya. Wananchi kwa kushirikiana na WAMATA wamejenga Zahanati ili kuwapunguzia wananchi adha ya kufuata huduma ya Afya. Jengo hili lilianza tarehe 14/04/2016 ambapo limegharimu jumla ya Sh. 57,000,000/= zikiwepo nguvu za wananchi ambapo wananchi wamechangia kununua kiwanja hicho chenye thamani ya 19,000,000/= (hata hivyo ili Zahanati hii ianze kufanya kazi inahitajika samani vifaa vya kitaalmu na madawa.
JENGO LA UTAWALA
JENGO LA UTAWALA LINALOENDELEA KUJENGWA KWA AJILI YA TIMU YA USIMAMIZI WA HUDUMA ZA AFYA(CHMT)
MIRADI YA IDARA YA AFAYA
Idara ya Afya ina mradi wa duka la dawa kama chanzo cha kuimarisha huduma na kutatua changamoto ya upungufu wa dawa kwa wagonjwa wanaokosa dawa ndani ya hospitali.
Mradi wa duka la dawa la idara ya Afya unafahamika kwa jina Meru Pharmacy.
CHANGAMOTO
Changamoto za vitendea kazi
Kutokua na chumba cha kuhifadhia miili (mortuary)
Mipango ya Baadaye
Kupelekea vifaa vya tiba vya kuanzia kazi
Kuendelea kuwasiliana na wafadhili na wadau mbali mbali katika kutekeleza majukumu ya idara
WADAU WA IDARA YA AFYA MERU DC
DSW
EGPAF
ENGENDER HEALTH
JHIPIEGO
PATH
STEMM
MARIE STOPES
WORLD VISION
WHO
NHIF
KNCV
PSI
REDCROSS
Ni matumaini yetu kwamba juhudi mbalimbali tunazoendela kuchukua zitasaidia kupunguza uhaba ya miundo mbinu ya kutolea huduma za afya.
AFYA TIBA
Idara inaendelea kutekeleza majukumu yake kwa kufuata miongozo inayotolewa na Wizara ya Afya, Maendeleo ya jamii, Jinsia, Wazee na Watoto pamoja na kutekeleza mpango mkakati wa afya wa mwaka 2015 -2020. Katika kuhakikisha wananchi wanapata tiba sahihi,
Majukumu yafuatayo:
Kusimamia manunuzi ya dawa, vitendanishi vya maaabara ,vifaa na vifaa tiba kisha kuvisambaza kwenye vituo vya kutolea huduma za afya.
Kutoa huduma za matibabu na uuguzi kupitia vituo vya kutolea huduma za Afya zikiwemo huduma za upasuaji mkubwa na mdogo. Huduma hizi ni kwa wagonjwa wa nje na wagonjwa wa kulazwa.
Kufanya ukaguzi wa dawa na vifaa tiba kwenye vituo vya kutolea huduma za afya
Kusajili na kuhuisha maduka ya dawa na vipodozi, kuyafanyia ukaguzi mara kwa mara na kuhakikisha yanafuata sheria, kanuni na miongozo inayosimamia uanzishaji na uwepo wa maduka hayo
Kusimamia pamoja na kuzikagua maabara zote na kuhakikisha zimesajiliwa na zinatoa huduma bora kulingana na miongozo iliyotolewa na Wizara ya Afya.
Kutoa, kusimamia na kuratibu huduma za afya ya uzazi na mtoto katika Manispaa . Huduma hizi ni pamoja na uzazi salama, huduma za uzazi wa mpango, huduma za chanjo kwa watoto chini ya miaka mitano na akina mama wajawazito, uchunguzi wa saratani ya shingo ya kizazi pamoja na matiti. Huduma nyinginezo ni pamoja na huduma za kuzuia ukatili wa kijinsia na ukatili dhidi ya watoto.
Kuratibu huduma za kuzuia maambukizi ya Virusi vya Ukimwi na UKIMWI. Huduma zitolewazo ni pamoja na matibabu na matunzo kwa watu wanaoishi na virusi vya UKIMWI, huduma za kuzuia maambukizi toka kwa mama kwenda kwa mtoto, huduma za kuchunguza na kutibu magonjwa ya ngono pamoja na huduma za wagonjwa majumbani. Huduma hizi hutolewa katika vituo vya kutolea huduma za Afya.
Idara inashughulikia pia masuala ya ustawi wa jamii ambapo inahakikisha makundi maalumu yanaatambuliwa na kuunganishwa na mpango wa matibabu bila maalipo. Makundi haya ni pamoja na wazee, walemavu na watoto wanaoishi katika mazingira hatarishi.
AFYA KINGA
Idara imeendelea kutekeleza majukumu mbalimbali yanayolenga kuwakinga wananchi na magonjwa ya kuambukiza. Mojukumu hayo ni pamoja na:
Ukaguzi wa nyumba za kuishi na majengo ya biashara kama vile nyumba za kulala wageni,majengo ya kutengeneza na kuuza vyakula ili kuondoa machukizo yanayoweza kuhatarisha afya ya binadamu.
Utoaji wa elimu ya afya kwa umma kuhusu masuala mbalimbali ya afya.
Utoaji wa chanjo kwa magonjwa ya kuambukiza kwa wajawazito na watoto
