Msitu wa Usa springs ambao pia hujulikana kwa jina la kiasili kama Kibola upo Kaskazini mwa mji wa Usa River takiribani umbali wa kilomita tatu kutoka Mji wa Usa River.
Msitu huu unamilikiwa na Halmashauri ya Meru na una ukubwa wa ekari 21 na umezungukwa na vijiji vitatu vya Nkoanekoli, Sangananu na Kiwawa.
Vivutio vya Watalii vilivyopo kwenye Msitu wa Usa Springs
Wanyama wadogo wadogo (Blue Monkey, Mbega, Swala), Ndege wa aina mbalimbali, Nyoka (Green Mamba) na Wadudu wa aina mbalimbali.
Miti mikubwa ya asili yenye mapango na mandhari nzuri;
Chemchem nyingi na vibwawa vidogo vidogo vya maji;
Hali nzuri ya hewa inayowafanya wageni wengi wanaoingia kupenda kukaa ndani kwa muda mrefu kupumzika.
Msitu wa Usa springs umezungukwa na hotel nyingi za Kitalii kama vile Ngurdoto Mountain Lodge, Ngurdoto View, Shangazi Hotel, Mbega Lodge, Kiboko Lodge, River Tree na Arumeru River Lodge.
Shughuli za kitalii huwa zinafanyika katika msitu huu na Watalii wamekuwa wakitembezwa katika msitu huo.
Uwekezaji unaotakiwa
Kutambua na kuweka njia za asili za kupita za miguu (foot trails);
Kuweka vituo/sehemu za kupumzika Wageni wanapokuwa ndani ya msitu;
Kutenga eneo ndani au pembeni ya msitu litakalotumika kama Camping Site na sehemu ya kulia chakula (Lunch box);
Kujenga toilets/washrooms;
Kutoa elimu kwa wananchi wanaozunguka msitu juu ya kuandaa chakula/ kahawa kwa wageni na kutengeneza bidhaa ndogo ndogo kama Shanga, Bangili, Mikanda, Pete, Hereni ambavyo hupendwa na Watalii.
