MILIONI 438 KUKARABATI MIUNDOMBINU YA MAJI YA MWAKA 1975 ARUMERU MASHARIKI

Imewekwa: July 28th, 2021

Neema kwa Jimbo la Arumeru 

Dkt.John D. Pallangyo, Mbunge  wa Jimbo la Arumeru Mashariki, wakati akikabidhiwa mabomba ya mradi wa ukarabati wa maji  amesema Serikali imezidi kushusha neema katika Jimbo hilo kwa kutoa shilingi milioni 438 kwaajili ya ukarabati miundombinu chakavu ya maji  katika Kata za Kikatiti, Kikwe, Maji ya Chai na Ngarenanyuki.

Dkt. Pallangyo , amemshukuru Mhe. Rais Samia Suluhu Hassan kwa kuendelea kuboresha sekta ya maji  na miundombinu ya barabara Jimboni humo kwa kutoa tena shilingi bilioni 2 kwaajili ya miradi ya maji sambamba na kutoa shilingi bilioni Moja kwaajili ya ujenzi wa barabara ya Malula -Ngarenanyuki.

Naye Mkuu wa Wilaya ya Arumeru,  Eng.Richard Ruyango amempongeza Mheshimiwa Mbunge Pallangyo kwa ufuatiliaji wa maendeleo ya watu wa Meru ambapo amemwagiza Meneja wa Wakala wa Maji Vijiji na Mjini (RUWASA) kuhakikisha Wananchi wanapewa elimu ili wawe na uelewa wakati wa utekelezaji na ukarabati wa miradi hiyo .

Eng.Ruyango  amewataka Wananchi kuhakikisha wanatunza vyanzo vya maji na kutunza  miundombinu ya maji  kwani Wilaya hiyo itawachukulia hatua wote watakao jaribu kwa namna yoyote kuhujumu miradi ya maji kwa kuharibu  miundombinu.

Mheshimiwa Aminiel, Diwani wa Kata ya Ngarenanyuki ameishukuru Serikali kwa maboresho ya miradi hiyo mikongwe ya ya maji pamoja na kutoa shilingi bilioni 2  kwa ajili ya  miradi mingine ya maji katika Jimbo la Arumeru Mashariki.

Kadhalika,Aminieli  ametoa wito kwa wanachi kupokea miradi hiyo yenye manufaa makubwa na kuwa wao kama Viongozi watasimamia na kuitunza miradi hiyo.

Eng. Shabir Waziri, Meneja wa RUWASA amesema kwa sasa wapo kwenye mchakato wa kumpata mkandarasi na Wanachi walishapewa elimu kipindi cha usanifu wa miradi  na elimu hiyo itaendelea kutolewa

Mbunge Dkt.John D. Pallangyo akiwasili makao makuu ya Halmashauri ya Wilaya ya Meru.

Makabidhiano  ya mabomba kwaajili ya miradi ya maji.

Dkt.John D.Pallangyo akizungumza na Eng.Shabiri Waziri Meneja wa RUWASA Arumeru