MKUU WA WILAYA ARUMERU AKUTANA NA WENYEVITI WA VIJIJI MERU

Imewekwa: February 10th, 2022

Mkuu wa Wilaya ya Arumeru Mhandisi Richard Ruyango ametoa wito kwa Wenyeviti wa Vijiji Halmashauri ya Meru  kuendelea kutoa ushirikiano katika utekelezaji wa Shughuli mbalimbali za Serikali "ushirikiano katika kazi ndio hufanya kazi  kukamilika kwa wakati na kuleta tija kwa Wananchi"amehimiza Mhe.Ruyango

Ruyango ametoa wito huo wakati wa kikao cha kuendelea kufahamiana  ikiwa ni pamoja na kukumbushana wajibu  na Majukumu .

Wakichangia kwa nyakati tofauti Wenyeviti hao wa Vijiji wamempongeza Mkuu wa Wilaya na Uongozi wa Halmashauri hiyo kutoa nafasi hiyo ya kukutana "Tumefurahi kupata kikao hiki tunaomba tupewe Mafunzo na kujengewa uelewa wa kina  wa usimamizi na  utekelezaji wa shughuli za Serikali "amesema Chirtopher Pallangyo Mwenyekiti wa kijiji cha Migandini ambaye pia ni Mwenyekiti wa Wenyeviti wa Vijiji.

Mkurugenzi Mtendaji wa Halmashauri hiyo Mwl.Zainabu Makwinya ametoa wito kwa Wenyeviti wa Vijiji kutoa ushirikiano kwenye ukusanyaji wa mapato ya Halmashauri  ambayo  hutumika kuleta maendeleo kwenye Maeneo yao "Wenyeviti wa Vijiji wananafasi kubwa kuhakikisha mapato ya Halmashauri  yanakusanyika"amehimiza Makwinya

Naye Mhe.Jeremia Kishili Mwenyekiti wa Halmashauri hiyo amesema atawasilisha  baadhi ya Wenyeviti  wa Vijiji ALAT  .

Mkuu wa Wilaya ya Arumeru Mhandisi Richard Ruyango akizungumza na wenyeviti wa Vijiji Halmashauri ya Wilaya ya Meru

Mwenyekiti wa kijiji cha Migandini ambaye pia ni Mwenyekiti wa Wenyeviti wa Vijiji Chirtopher Pallangyo akizungumza wakati wa Kikao .

Wenyeviti wa Vijiji Halmashauri ya Wilaya ya Meru wakati wa kikao na Mkuu wa Wilaya ya Arumeru .

Wenyeviti wa Vijiji Halmashauri ya Wilaya ya Meru wakati wa kikao na Mkuu wa Wilaya ya Arumeru .