DC ARUMERU AWATAKA WANANCHI KUCHUKUA TAHADHARI KIPINDI HIKI CHA MVUA

Imewekwa: April 25th, 2023

Mkuu wa Wilaya ya Arumeru Mhe. Emmanuela Kaganda  ametoa wito kwa wananchi kuwa makini kwa kuchukua tahadhari  katika kipindi hiki cha Mvua zinazoendelea.

Mhe.Kaganda amesema hayo wakati akizungumza na Wananchi eleo la Konoike Malula Halmashauri  ya  wilaya  ya  Meru ambapo imetokea ajali ya gari aina ya Noah iliyokuwa imebeba abiria watano kusombwa na maji  ambaapo mpaka sasa miili minne imeokolewa na watu wawili akiwemo Dereva wa gari hiyo wameokolewa na wanaendelea kupata huduma za kiafya .

Aidha, Mhe Kaganda amesema Wilaya hiyo imepokea kwa huzuni kubwa  tukio hilo ambapo ametoa pole kwa familia zilizo wapoteza wapendwa wao na kuwakumbusha wananchi kuenzi tamaduni za Mtanzania pale linapotekea tatizo badala ya kujikita kupiga picha.

Mhe.Kaganda amehimiza na kuwaasa waenda kwa miguu na wanaotumia vyombo vya moto kutokuingia kwenye maji yanayopita kwenye  barabara  au maeneo mengine bila  kuchukua tahadhari kwani Dereva wa gari lililopata ajali Bw.Naiman Metili alijaribu kuvuka  bila kujua nguvu ya maji.