UJENZI WA ZAHANATI YA KIJIJI CHA IMBASENI WAANZA

Imewekwa: December 6th, 2017

Wanakijiji wa Kijiji cha Imbaseni wamezingatia usemi "Maendeleo ya Mtu ni Mtu mwenyewe" kwa kushiriki kwa michango na  nguvu zao kwenye  ujenzi wa Zahanati ya Kijiji hicho , Afisa Mtendaji wa Kjiji hicho Glory Urio amesema Mradi wa ujenzi wa  Zahanati ya Kijiji hicho  uliibuliwa kwenye Mkutano wa Kijiji ambapo Wananchi walipitisha mchango kwa awamu ya kwanza utakao tumika kujenga msingi na kumwaga jamvi jambo ambalo linatekelezwa kwa sasa.

Mkurugenzi Mtendaji wa Halmashauri ya Meru Christopher J. Kazeri alipotembelea Mradi huo  amewapongeza Wananchi hao kwa kuendana na Azma ya Serikali ya awamu ya tano kwa kuachana na Siasa na kufanya kazi za Maendeleo  kwani baada ya wataalamu wake wa ujenzi kufika siku ya jana naye amefika ili kuona kazi inayoendelea na pia kuona ni kwa jinsi gani Halmashauri itachangia.