WALENGWA WA TASAF WATAKIWA KUTOKUBWETEKA.

Imewekwa: January 7th, 2021

Wito watolewa kwa Walengwa wa TASAF Halmashauri ya Wilaya ya Meru  kutumia fedha zinazotolewa na TASAF kama ilivyokusudiwa ili kujikwamua kiuchumi .

Wito huo umetolewaa na BW.Christopher Pallangyo ambaye ni mlengwa wa  TASAF toka kijiji Cha Nkoaranga  ambaye ameweza  kutumia kiasi cha fedha anazopokea kutoka TASAF kununua na kupanda Miche 200 ya Kahawa.

Pallangyo amesema mbali na kiasi anachopokea kuwa kidogo (Shilingi elfu 20) aliweza kukusanya na kununua Miche hiyo pamoja na ameweza kujenga nyumba ambayo haijakamilika ,ameweza kununua ndama pamoja na  kupata mahitaji yake madogo madogo.

Pallangyo ameishukuru  Serikali  na kuiomba kuendelea kusaidia Kaya sisizo na uwezo pamoja kuongeza kiasi cha fedha zinazotolewa kwa walengwa ili kuharakisha jitihada zao za  kujikwamua kiuchumi .

Aidha,Serikali imetoa zaidi ya Milioni 184  kama malipo kwa Walengwa wa TASAF kipindi cha Miezi 2 (Machi na Aprili).Fedha hizi ni malipo kwa Kaya za  walengwa 5083  TASAF toka Vijiji vya Halmashauri ya Wilaya ya Meru.

Kwa sasa zoezi la malipo linaendelea kwa muda wa siku 7.

Ikumbukwe   kuwa kwa Halmashauri ya Wilaya ya Meru,  mpango wa kunusuru Kaya maskini (TASAF) ulianza Mwaka 2014  na malipo kwa Walengwa yalianza  kutolewa Mwaka 2015.